Badatorrela Laburbira! bolsa de valores republica dominicana Euskarazko film laburren zirkuituak 15.edizioa beteko du aurten; otsailaren 28an abiatu zen Bergaran eta, martxoaren 28ra bitarte, 29 herri bisitatuko ditu, tartean geurea Basaurikoa:

EGUNA: Martxoak, 21

ORDUA: 19:00

TOKIA: Pozokoetxe Kultur Etxea

Bertan Atxur taldeko Beñat Barandika izango dugu gurekin gura duguna galdetu ahal izateko.

Zirkuitu ibiltari honen helburu nagusia da bolsa de valores de la republica dominicana euskarazko sortzaileen lana ezagutaraztea, euskaraz ekoizten jarraitu dezaten aukera emanez eta ikusleei geurean sortutako film fresko-freskoez gozaraztea.

Hamabosgarren edizioa 8 film laburrekin dator, ia guztiak 2017an sortutakoak eta euskaraz, noski! Elkarren arras desberdinak dira; umorea, intriga, kritika, gure historiari begirada, kulturaren eta hizkuntzaren transmisioari keinua  dira, besteak beste, ordu eta laurdeneko saio honen osagaiak.

Zeuk ere bertatik bertara ikusiko duzu: hemen eta gaur euskaraz sortutako lanok, istorio ezberdinen bidez zer sentitu eta zer pentsatu emango dizute!

Hona hemen, XV.Laburbira osotzen duten 8 lanak (klikatu izenburuetaan, filmen eta zuzendarien inguruko informazioa ikusteko): 

• Ilunpetan (Koldo Carranza)
• Night Shift (Izaskun Arandia)
• Higadurak (Oihane Zunzunegi eta Amaia Otaola)
• Ejecutor (Javi Arriaga)
• Tazan (UDA films)
• Areka (Atxur animazio taldea)
• Kreba ( Oier Fuentes)
• Zulo (Erika Olaizola eta Amancay Gaztañaga)

Landetxe batean asteburuko egonaldia irabazteko aukera

Iazko arrakasta ikusirik, aurten ere lehiaketa antolatuko dugu Laburbirako ikusleen artean. Landetxe batean bi lagunentzako bi gaueko egonaldia zozkatuko dugu. Parte hartzeko www.kameratoia.eus webgunean sartu eta “Laburbira 2018 ikusleentzako lehiaketa” atalean sartu behar da, eta galdetegia erantzun. Hori bai, emanaldiaren ondoren egin behar da. Lehiaketa otsailaren 28an hasiko da.

Informazio gehiagorako hona hemen liburuxka.

Bertan ikusiko dugu elkar!

Bazkide hori:

Urtarrilaren 10ean eman genizuen elkartearen egoeraren berri, eta  aurreratu genuen otsailean batzar orokorrerako deia egingo genuela. Batzar horretarako bi aukera ikusten genituen: talde eragile berria sortu eta erronka berriei aurre egitea edo elkartea ixtea. Tamalez, taldea osatzeko deiak ez du erantzunik izan (pertsona bakarra agertu da prest) eta elkartearen jardunari amaiera ematea beste biderik ez dugu ikusten.

Bazkide hori:

Honen bidez, Euskarabila Basauriko Euskaldunon Elkartearen EZ OHIKO BATZAR OROKORRA urtarrilaren  12an egingo dugula adierazi nahi dizuegu, egun hori izan baita bazkide gehienok aukeratu duguna.

Funtsezkoa izango da egun horretan denok parte hartzea: erabaki garrantzitsuak hartuko ditugu. Hori dela eta, etortzeko ahalegina egin dezazuela eskatzen dizuegu une honetan lanean ari garen lau kideok. 

EZ OHIKO BATZAR OROKORRA

2018ko URTARRILAREN 12an, 19:00etan

EUSKARABILAREN EGOITZAN (Leon kalea 13) 

Urtarrilan zehar egongo diren zenbait ekintza:

– Kepa Larrearekin solasaldia: Urtarrilaren 11an, 19:30etan, Ibaiganea Helduentzako Liburutegian.
– Pasta tailerra: Urtarrilaren 27an, 10:00etan, Sargantanan.

Eta horretaz gain: