Bidali zure atxikimendua!

http://www.eusko-ikaskuntza.org/ene/

Kaixo bazkide hori

Dakizun moduan BASAURIN BE BAGARA ospakizunaren prestakuntzan aurrera goaz. Dagoeneko hainbat kontu lotuta ditugu eta beste hainbat bidean: jaietarako pegatinak, bideoa, flash moba, dantza lehiaketa, kirol jarduerak, otorduak … Dena dela,  oraindik datorkigun proposamen eta eskaintza guztiak onartzen ditugu, dakizuen bezala erronka hamabi orduz etengabean euskaraz jardutea baita eta hamabi orduk gauza asko egiteko aukera ematen baitu. Beraz badakizue, animatu zeuek eta zeuen ingurukoak eta esaguzue zer egiteko prest zaudeten.

Bien bitartean, beste gauzatxo bat eskatu nahi dizuegu: atera ezazue argazki bat esku artean BBBren logoa duzuela eta bidal iezaguzue. Basaurin euskaldunak asko garela iruditan ere adierazi nahi dugu eta horretarako argazki asko behar ditugu.

Animo, atera argazkia eta bidali (egin klik beheko irudian logoa ordenagailura jaisteko)

Ondo pasa jaietan!

Euskarabilakide eta gainontzeko lagunoi:

Martxan de jada euskaraz etiketatzearen aldeko kanpaina. Emaiozu zure atxikimendua manifestuari hurrengo helbidean:
http://www.euskarazetiketatu.com/atxikimendua_eman.php

Zabaldu mezua!

Iazko abenduaren 15ean nafarrek pairatzen duten Vascuencearen legeak 25 urte bete zituen. Lege horren arabera, Nafarroa hiru zonaldetan banatzen da. Zonalde ez euskalduna deiturikoan bizi diren nafarrei ukatu egiten zaie euskaraz ikasteko aukera, besteak beste.

Lege horrek eskualde ez euskaldunean kokatzen du Sartaguda herria, adibidez. Hala ere, duela 25 urte, bertako zenbait familiak Ibaialde ikastola jarri zuten abian, jende askoren lan eta motibazioarekin. Gaur egun, komunikabideen bidez jakingo zenuten bezala, arazo ekonomikoengatik, kinka larrian aurkitzen da, eta elkartasunezko erantzunik ez balego, aurki ixtear egon liteke Lodosa-Sartagudako ikastola.

Euskarabila euskaldunon elkarteak ez du hori inola ere gertatzerik nahi. Egoera bidegabe hori ezagutarazteko erabakia hartzeaz gain, Ibaialde Ikastolak umeak euskalduntzen eta hezten jarrai dezan, Sartagudako lagunekin bat egin dezazuen eskatu nahi dizue, zuen ekarpen ekonomikoa kontu zenbaki honetan eginez:

3035 0153 46 1531026051

 LAGUNDU Sartagudako Ibaialde Ikastolari!!!!

Jakingo duzue bezala, aste honetan BIOK liburudendak agur esan digu, izen horrekin behintzat. Ez da erraza Basauriko euskaldunontzat bi lagun nekaezin hauen lana zein garrantzitsua izan den adieraztea. Hori dela eta, Euskarabilako ordezkaritza bat beraiekin egon da, gure esker ona adieraziz.

Merezimendu osoz jaso zuen BIOKeko bikoteak Basauriko euskaldunon esker ona. BIOK liburu-denda euskararen eta euskal kulturaren etxea izan dugu denok urte luzeetan eta konpromisoz beteriko hasierako garai haietatik gaur egungo krisi egunetara arte, adorez eta duintasunez aritu dira beti erakusmahaiaren atzean zein liburuz beteriko apaletan aholkulari. Zorte on hemendik aurrera hasiko duzuen bizitza berrian eta, lasai hartu, guk “goazen BIOKera!” esaten jarraituko dugu. Eskerrik asko, benetan!

Kaixo lagunok!
Hilabete baino gehiago da “Zergatik ez?” saio hura egin genuela eta, esan bezala, beste
hiru saio egiteko asmoa daukagu. Topagunekoekin batera hiru saio horien diseinuan
ibili gara eta gabiltza oraindik ere. Lehenengoa dagoeneko nahiko lotuta daukagu,
baita hiruretarako datak zehaztuta ere eta horren berri ematera gatozkizue oraingoan.

Aurreko saioak bi egunetan banatu genituen, ostiral eta larunbatean. Hemendik
aurrerakoak saio bakarrekoak izango dira, eta ahalik eta jende gehienak posible izan
dezan, larunbatetan izango dira. Hauek dira data zehatzak zuen agendetan apunta
ditzazuen: urtarrilaren 28a, otsailaren 25a eta martxoaren 10a. Hiru ordukoak izango
dira saio hauek: 10etan hasi eta 13:30ak arte, hamaiketakorako tartetxo bat eginda.

Zer da saio hauetan jorratu nahi duguna? Norbanako moduan egin ahal dugunaz gain,
zer egin dezakegun elkar hartuta. Norbanakoaren planotik komunitaterako saltoa egin
nahi dugu eta denon artean hori Basauriko egoerara nola egokitu erabaki.

Urtarrilaren 28ko saioaren lehen zatian Oskar Zapatak gaia bideratzeko elkartegintza
eta beste hainbat konturi buruzko sarrera egingo digu eta bigarren zatian, baita otsaila
eta martxoko saioetan ere, prozesu parte-hartzaile eta dinamiko batean murgilduko
gara. Guzti horretarako Topaguneko lagunen laguntza eta gidaritza izango dugu.

Saioak ganoraz prestatzeko zenbat lagun egongo garen jakitea garrantzitsua da
guretzat; beraz, animatuko bazina euskarabila@topagunea.com helbidera mezu bat
bidaltzea nahiko.

Amaitzeko, honekin batera euskararen eguna zela eta durangarrek Berriara bidalitako
iritzi artikulu bat bidaltzen dizuegu gogorik izanez gero irakur dezazuen. Durango eta
Basauriren arteko aldea nabarmena bada ere mezua noranahiko egokia dela uste dugu
eta baliagarria izango zaigu gogoetarako.

Urte berri on!

EUSKARABILA EUSKALDUNON ELKARTEA

 

Duela zenbait urte, Zuberoako Eperra Ikastolaren aldeko kanpainan hartu genuen parte, eraikin berrirako dirua Hego Euskal Herriko hainbat herrirekin batera bilduz.

Baina eraikina txiki gelditu zitzaien eta iaz abiatu zituzten handitzeko lanak. Berri ona izanik ere, dakizuen bezala, birmoldaketa horien finantziazioaren zati handia gurasoek hartu behar dute. Guraso hauek beren seme-alabak euskaraz hezteko eta bizitzeko hartu duten erabakia sendoa da, eta, argi dago, gure laguntzarekin berriz lortuko dutela. Zuberoako produktuak zituzten poltsak jarri zituzten garai hartan salgai, eta, jende askoren ahaleginari esker, inondik ere espero ez zuten erantzuna jaso zuten. Horrexegatik jarraitzen dute beren eskaintza gozo hau egiten.

 

Ardi gazta (1 kg)  Patea ahate gibelarekin (200 gr) Gurinezko gaileta pakete bat Txahalki kontserba piperrekin, berotu eta arrozarekin edo patatekin jateko prest (750 gr)   PREZIOA: 50 €

Ardi gazta (1 kg)  Eztia (500 gr) Patea ahate gibelarekin (200 gr) Gurinezko gaileta pakete bat     PREZIOA: 37 €

Lagun zuberotarrek esan bezala: “Züen parte hartzean bermatzen gira, eta esperantxa dügü hebenko mozkinak ontsa gozatüko dütüzüela”. Beraz, bidali euskarabilara beheko datuak (azaroaren 18ra arte). Eskaria jasotzean egingo dugu ordainketa, hau da, abenduaren 19ko astean.

&…………………………………………………………………………………………………………………………

Izen-abizenak ______________________­­­­­­­­_____ Telefonoa__________ Erosi nahi den poltsa kopurua: _______ 50 € _______ 37 €

Mozkinak

Azaroaren 18 eta 19an egingo dugun hausnarketa prozesurako gonbidapena luzatzen dizugu (egin klik irudian):

Hausnarketa prozesua

Bazkide agurgarria:

Dakizunez, Euskarabilan iazko abenduan hasi ginen elkarteari berari begirako gogoeta egiten. Alde batetik, gero eta gutxiago geunden eguneroko lanari erantzuteko, gero eta nekatuagoa gainera, ezin helduz. Bestetik, egoerak berak eraman egiten gintuen, ondo ari ote ginen pentsatzen gelditzeko aukerarik gabe.

Horrela, elkartearen oinarrizko egitasmoak bakarrik mantendu eta gogoetaren diseinurako taldetxo bat sortu genuen. Talde horretan, Euskarabilaren funtzio eta norabidea birplanteatu ez ezik, herriko egoera orokorra ere aztertu beharra sumatzen genuen, nahiko kezkagarria ikusten baikenuen azken urteotako norabidea. Honetan genbiltzala, Kontseiluak egindako azterketak irakurketa zuzena egiten ari ginela baieztatu zigun.

Tartean hauteskundeak ere izan ditugu eta erantsita duzun idazkia aurkeztu genien alderdi politiko guztiei. Gure zeregina bestelakoa zen arren, ez genuen aukera pasatzen utzi nahi. Hemendik aurrera ikusiko dugu gure proposamenak gogoan hartzen dituzten.

Geurera itzuliz, gogoeta aberatsagoa izan dadin, euskarabilakideak ez ezik, herrian norbere errealitatetik bere ikuspegi edota kezka izan dezakeen beste zenbait pertsona ere izango dela iritzi genion eta zerrenda bat egiteari ekin genion. Zerrenda osatu eta gogoetarako gonbitea egiten hasiko gara orain, baina aurretik zuri ere, bazkide zaren horri, luzatu nahi dizugu gonbitea.  Gainera osatu dugun zerrenda ez da itxia eta horrelako kezkarik duen inor ezagutzen baduzu; denon artean osatuko dugu.

Zein da gure asmoa? Amaigabeko gogoetetan ez galtzeko eta jendea ez uxatzeko, beti ere Topagunearen aholkularitza izanik, hiru/lau saio egingo ditugu. Horietako lehena dagoeneko aurreikusi dugu zein izango den: “Zergatik ez” du izenburu eta bi ordu eta erdiko saio gidatua da. Azaroan egiteko asmoa daukagu eta bi data ikusten ditugu aukeran: azaroaren 18an (ostirala/18:00-20-30) ala azaroaren 19an (larunbata/10:00-12:30). Ondorengo bizpahiru saioak oraindik zehazteko dauzkagu, baina datorren urtean izango lirateke.

Beraz, euskarabilakide zein zerrendako lagunok euskaraz bizitzeko ditugun trabak eta ikusten ditugun hutsuneak konpartitu eta hori horrela izan ez dadin egin behar litzatekeena aztertzeko prest bagaude, guzti horretarako pistak emango dizkiguten hiru-lau saio horietan parte hartzeko konpromisoa hartu beharko dugu: ez gutxiago ezta gehiago ere! Hortik aurrera ikusiko dugu zer giro dagoen; zer egin; nork, nola eta zertan jarrai dezakegun Basaurin euskaldunok euskaraz bizi ahal izan gaitezen.

Lasai hartu proposamena, ondo pentsatu talde lan honek betetzen zaituen eta hala bada, erantzun mezu honi edo deitu Karmeleri (665714605), ahal dela, irailaren 20a baino lehen, eta adierazi lehenengo saiorako bi egunetan zein  nahiago duzun, ados? A! Eta horrelako kezkarik duen inor baduzu buruan, zalantzarik gabe egiozu gonbitea gurekin bide hau egiteko!

2011-06

EUSKARABILA EUSKALDUNON ELKARTEA